【生活‧韓綜】《Roommate 2》明星版Sharehouse真人show

文章最近更新: 2020-11-02

一早想介紹南韓綜藝節目《Roommate》,節目於今年5月首播,拍攝一班明星住Sharehouse的真人show,令筆者諗起在澳洲住sharehouse及旅行時住hostels的情景,於是開始追看,但睇咗幾集後,棄咗,因為愈睇愈悶,明星的生活仲悶過Backpackers……

但!第二季《Roommate 2》居然十分有驚喜,鹹魚返生!!仲有個靚仔香港人加入,十分有親切感!

《Roommate 2》少女時代Sunny請來隊長允兒作客。
《Roommate 2》少女時代Sunny請來允兒作客。

第一季的2NE1朴春因禁藥風波退出,悶大姐李素拉、怕醜拳手宋佳妍、申媽媽申成宇、仁顯皇后洪洙賢、存在感零EXO朴燦烈相繼退出,剩下大勢演員李東旭、諧星曹世鎬、5urprise徐康俊、演員朴民宇、造作美女Na Na。
20141109roommare_One

第二季加入g.o.d朴俊亨(痴線大哥,焦點人物)、少女時代成員Sunny(笑聲獨特)、GOT7 Jackson(靚仔香港人!!)、諧星李國珠(豪爽好笑)、怕醜日系型男大谷亮平(偶有佳作)、老牌演員裴宗玉(廁所位)、Kara新成員英智(特技:消音大笑)。

第二季新成員:(左起)少女時代Sunny、大谷亮平、裴宗玉、G.o.d 朴俊亨、國珠、Jackson、Kara 英智。
第二季新成員:(左起)少女時代Sunny、大谷亮平、裴宗玉、G.o.d 朴俊亨、國珠、Jackson、Kara 英智。

《Roommate 2》大換血,騎呢人物登場,而且每集有主題,比第一季好睇咗好多,今季成員以g.o.d朴俊亨4X歲玩得癲過後生,笑料大增;香港人Jackson表演慾強,玩得好放,加上樣子討好,又有才藝,聲名大噪(點解D好嘢去咗韓國,留低「天堂鳥」俾香港人?!!);諧星李國珠雖然生得似無線的魯芬,但冇靚女的包袱,好玩好笑,串NaNa整容等,令一眾唔鐘意NaNa的女觀眾心情愉快。

G.o.d 朴俊享於美國長大,畢業照髮型奇特,生活照睇嚟似一名黑人多過似韓國人。
G.o.d 朴俊享於美國長大,畢業照髮型奇特,生活照睇嚟似一名黑人多過似韓國人。
香港人Jackson為前劍擊港隊代表,現為GOT7成員。
香港人Jackson為前劍擊港隊代表,現為GOT7成員。
傻小妹Kara英智,雖然唔算靚女,但勝在騎呢可愛。
傻小妹Kara英智,雖然唔算靚女,但勝在騎呢可愛。
怕醜日本人大谷亮平,喺一班癲人之中,中和一吓。
怕醜日本人大谷亮平,喺一班癲人之中,中和一吓。
諧星李國珠周旋年輕靚仔中,唔洗再對住綜藝醜男,表示十分高興。
諧星李國珠周旋年輕靚仔中,唔洗再對住綜藝醜男,表示十分高興。

《Roommate 2》9月尾至今,播咗6集,今季收視較上季倍增,出色得多,難怪Jackson及出道個多月的英智火速上位。現時韓國播放時間為逢周日晚,11月25日起將於周二凌晨播放。

《Roommate 2》第一集↓↓↓

【中字】140921 室友 Roommate (S2) EP1 1/3

如欲觀看所有集數,請按此《Roommate 2》

相關文章

Leave a Reply

Your email address will not be published.

This site uses Akismet to reduce spam. Learn how your comment data is processed.